Suliniut pillugu
SULINIUMMUT TUNULIAQUTAASUT
Septemberimi 2013-mi, Inuit Issittormiut Siunnersuisoqatigiiffiat Kalaallit Nunaata inoqarfiit sinniisuinik qaaqqusisutut ataatsimiititsivoq Pikialasorsuaq imarnersatut (aakkarnertut) taassumalu eqqaani pisut assigiissaartumillu isumakuluutaasa kissaataasalu oqallisigineqarnissaat siunertaralugu. Ataatsimiinnermi pineqartumi imarnersap siunissaa pillugu nunarsuup immikkoortuani tamaani sakkortuumik soqutigisaqarneq naalagaaffit marluk akornanni oqaloqatigiissutigisassaattut naqissuseqarneqarpoq. Eqimattat pineqartut ataatsimeeqatigiinnermi tamatumalu kingorna nalunaarusiatigoortumik inoqarfinnut Avannaani Imartap qaninnerpaaniittunut tusarniaasussamik ataatsimiitsitaliortoqarnissaa inassutigaat oqallinnerullu ingerlateqqinneratigut periusissianik nalilersuisoqassasoq nunarsuup immikkoortuata tamatuma illersorneqarnissaa tamaanilu piniarnermik soqutigisat illersorneqarnissaat ilanngullugit, siunissami kinguaariinnut kingornussassatut sulissutigiumallugu.
Pikialasorsuaq pillugu Isumalioqatigiissitamut PIGINNAATITSISSUT atuaruk (PDF)
PIKIALASORSUUP AQUNNEQARNISSAANUT INUIT PERIUSISSIAAT
Pikialasorsuaq pillugu Isumalioqatigiissitap Okalik Eegeesiak-mit siuuttuuffigineqartup (ICC-mi Siulittaasoq) Nunap tamalaat akornanni kommissæri, ilaasortaq Kuupik Kleist (Kalaallit Nunaanni Naalakkersuisuni Siulittaasuusimasoq) Kalaallit Nunaat sinnerlugu kommissæri, aamma Eva Aariak (Nunavumi Naalakkersuisuni siulittaasuusimasoq) Canada sinnerlugu kommissæri, pisussaaffeqarpoq inoqarfinnut Pikialasorsuup qanitaaniittunut tusarniaallunilu isumasiuissasoq.
Oak Foundationimit, Oceans Northimit World Wildlife Fundimiillu tapersersorneqarlutik Isumalioqatigiissitat tusarniaajutigalutik isumasiuipput aprilimi 2016 Canadami inoqarfinnut (Aasuittoq, Qaasuittoq, Ippiarsuk, Mitsimatalik aamma Kangersugaapik) Kalaallillu Nunaata kitaata avannaaniittunut Pikialasorsuup Kalaallit Nunaannut ataneraniittunut (Siorapaluk, Qaanaaq, Savissivik, Kullorsuaq, Nuussuaq aamma Upernavik) September 2016-mi tusarniaapput.
Tusarniaajutigaluni isumasiuinerit ima aaqqissuunneqarput inoqarfinnit ataasiakkaanit nunallu immikkoortuanit, nunap inoqqaavisa ilisimasai katersussallugit atorlugillu inassuteqaasiussalluni Pikialasorsuup peqqissusaata illersorneqarnissaa, nakkutigalugu aqunneqarnissaa pillugu siunissami kinguaariinnut isumalluutigineqarnissaata periusissiornissaa siunertaralugu.
Siunnerfimmut oqaaseqaat aamma suliap ingerlanissaanik pilersaarut
Pikialasorsuaq pillugu Isumalioqatigiissitat siunertaraat Pikialasorsuup siunissami kinguaariinnut tulliuttunut atorneqartutut peqqissuujuarnissaata illersorneqarnera qulakkeerniarlugu Inuit periusissiornissaat nalunaarsueqataanissaallu/nakkutilleeqataanissaallu - aamma naggueqatigiinnit Inunnit aqunneqartumik aqutsisoqatigiinnik pilersitsisinnaanermut periarfissarsiornissaq. Inoqarfiusunik isumasiuilluni tusarniaanernik taakkualu akonanni annertunerusumik Nunavummiunik Kalaallit Nunaatalu Kitaata Avannaamiuinik ammalatamik taassumalu isumalluutinik pinngorartitaanik pinngitsuuisinnaanngitsunik suleqatigiinnermik tunngaveqartussaavoq.
Suliakkiissut
Suliakkiissummi tunuliaqutaasut, oqaaseqaat, siunertaa aamma Pikialasorsuaq pillugu Isumalioqatigiissitap ilusilersugaanera pillugu nassuiaatigineqarput.
Pikialasorsuaq pillugu Isumalioqatigiissitamut Suliakkiissut atuaruk (PDF)