PIKIALASORSUAQ PILLUGU ISUMALIOQATIGIISSITANUT TIKILLUARIT
Pikialasorsuaq (Avannaani Imarnersaq) Issittumi imarnersat annersaraat Issittullu immikkoortuini uumassusillit pinngorarfiisa annersaannut ilaalluni. Tamanna uumassusilinnut nuttartunut pingaarutilipilussuuvoq, naggueqatigiillu Inuit kinguariippassuit inuuniarnerannut uumasut najugannaavat tamanna inoqarfinnut qanigisaaniittunut pinngitsoorneqarsinnaanngitsut pingaarnersaattut isigineqarluni.
Allanngutsaaliuiniarluni ilungersuutit sapinngisamik oqimaaqatigiissaarilluarnermik tunngaveqartariaqarput - illuatungaani inuuniarnikkut kulturikkullu pingaaruteqartoq piniarneq illersuutigalugu uumasut najugannaavannik illersuisoqartariaqarluni. Ilungersuutigineqartut pinngitsooratik Inuit toqqartumik isumatuumillu peqataatinneqarnerisigut qulakkeerneqartariaqarput.
Isumalioqatigiissitat Pikialasorsuup qanitaaniittunut Inoqarfinnut Nunavumi Kalaallit Nunaatalu Avannaaniittunut sumiiffinniittunut nunallu immikkoortuiniittunut tusarniaanerit aqqutissiuuttussaavaat; Pikialasorsuullu kinguaariinnut tulliuttunut isumalluutigineqarnissaa qulakkeerniarlugu aqunneqarneranut, malinnaavigineqarneranullu naggueqatigiit Inuit periusissiassaannik innersuussuteqassallutik.
Pikialasorsuaq pillugu Isumalioqatigiissitat ilaasortanit pingasuusunit aqunneqarpoq: Okalik Eegeesiak, Nunat Tamalaat akornanni ilaasortatut toqqagaq, Kuupik Kleist, Kalaallit Nunaat sinnerlugu ilaasortaq, Eva Aariak, Canada sinnerlugu ilaasortaq. Pilersaarutaavoq Isumalioqatigiissitat ukiuni pingasuni suliniummik suliarinnissasut.
Facebook @pikialasorsuaq-mit allatat
