Nutaarsiassat

Avannaani Imarnersaq pingaaruteqartoq naggueqatigiinnit Inunnit siuuttuuffigineqartup Pikialasorsuarmut Ataatsimiitsitaliap misissuiffiginialerpaa

Iqaluit, Nunavut aamma Nuuk, Greenland - Inuit Issittormiut Siunnersuisoqatigiiffiata Siulittaasoqarfianit aamma Inuit Issittormiut Siunnersuisoqatigiiffiata Kalaallit Nunaata, Pikialasorsuarmut Ataatsimiitsitaliaq pilersippaat. Inoqarfinnut Avannaani Imarnersamik atuisunut Canadamiittunut Kalaallit Nunaanniittunullu Pikialasorsuarmut qaninnerpaamik najugalinnut tusarniaanissaq siunertaralugu (Kalaallisut taaguutaa Pikialasorsuaq).

Pikialasorsuarmut Ataatsimiitsitaliaq naggueqatigiit Inunnit siuuttuuffigineqartoq pingasunik ilaasortaqarpoq (kommisæreqarpoq), taakkualu Iqalunni ullumikkut siullermeersumik aaqqissuussiniarlutik ataatsimeeqatigiipput. Ilaasortat ukuupput: ICC-mi Siulittaasoq, Okalik Eegeesiak internationalimik kommisæriuvoq; Nunavummi Naalakkersuisuni siulittaasuusimasoq, Eva Aariak Canada sinnerlugu kommisærissatut toqqarneqarsimavoq; aamma Kalaallit Nunaanni Naalakkersuisuni Siulittaasuusimasoq, Kuupik Kleist Kalaallit Nunaannit kommisæritut toqqarneqarsimalluni.

Avannaani Imarnersaq imarnersaavoq ammasoq sikumik kaajallallugu unguneqarsimasoq. Nunarsuup Affaani Avannarlermi anginersaavoq Qaasuitsullu Killeqarfiata avannaani uumassusillit pinngorarfiattut annerpaalluni. Baffinip Kangerliumarngata avannarpasissuaniippoq Kalaallit Nunaata Canadamilu Umimmaat Nunaata akornanniilluni Ikerup ilaaniilluni (Smith Sundip and Nares Strædellu ilaani) imartaalluni naggueqatigiinnut Inunnut pingaaruteqarluinnartoq Issittumilu uumassusilinnut pinngitsoorneqarsinnaanngitsunut aamma pingaaruteqarluni.

Avannaani Imarnersaq silap pissusaata allanngoriartorneranit sunnertiasuuvoq. Tamatuma eqqaani Inuit najugallit kissaatigaat Avannaani Imarnersatigoortumik umiarsuarnik angallannerup, takornariartitsinerup aalisarnerup, isumalluutinillu uumaatsunik misissuinerup/ineriartortitsinerup annertusivallaannginnerani sumiiffimmit tamaannga peqataaffigineqartumik aqutsinissamut periarfissat misissorusullugit. Ataatsimiitsitaliamut piginnaatitsissut tunngavigalugu Inoqarfinni naggueqatigiit Inuit tusarniaaffigineqassapput tamaani atuinermik pinngitsuuisinnaannginnerannut tunngatillugu ilisimasaannik Avannaanilu Imarnersap siunissami atorneqarnera suleqatigiiffigineqarneralu pillugit qanoq takorluuisoqarnersoq katersisoqarluni.

Ataatsimiitsitalip Canada Issittortaani tusarniaanerit upernaap ingerlanerani aallartissavai, Kalaallit Nunaannilu inoqarfiit imaroreeriarpat angallavigineqartussaallutik. Ataatsimiitsitaliap nalunaarusiaa Avannaani Imarnersaq pillugu inassutitalik tamanut ammasumik saqqummiunneqassaaq 2016-ip ukiaanerani. Massakkuugallartumik Ataatsimiitsitaliamut aningaasaliisuupput Oceans North Canada, Oak Foundation aamma World Wildlife Fund Canada, sulilu allaniit pisariaqartumik aningaasaliisussarsiortoqarluni.

Annertunerusumik paasiniaaffigineqarsinnaavoq

Natasha Latreille
ICC Canada
NLatreille@inuitcircumpolar.com
613-563-2642

Alfred Jakobsen
Oceans North Greenland
aerj58@gmail.com

Isumalioqatigiissitat

Okalik Eegeesiak
chair@inuitcircumpolar.com
613-563-2642

Kuupik Kleist
kvk@ggnuuk.gl
+299 54 78 58

Eva Aariak
eva.aariak@gmail.com
867-222-8355